LENG HERITAGE SITES (MIZO VERSION)
Source: Serchhip District chhunga Pipu sulhnu leh hmun hmingthangte
Published by :Serchhip District Academy of Letters, 2009
Saihnuna Lungphun
Leng khua hi Mizo Lal hmingthang tak leh hlaphuah thiam tak mai Saihnuna Lalna hmun a ni a, hei vang hian Saihnuna Lungphun chu tun thlengin hmuh theihin a la awm.
Lalruanga Lungphun
Dawithiam hmingthang Lalruanga sulhnu hi Mizoram khaw hrang hrangah hmuh tur a awm thin a. Lalruanga hi a thih dawn hnaihah hian Leng khuaah hian a lo che tla ve thin ni ngei tur a ni, Lalruanga thlan lungphun an tih chu tun thlenga hmuh theihin a la awm. He lungphunah hian Lalruanga lem te, Sairawkherh leh thal lem te, a dawi bur lem te leh keimi lem te a chuang a ni.
Leng Rihdil
Mizorama dil hmingthang ber Rihdil (Burma rama awm si) khi a lo piandan hetiang hian an sawi - Hmanlai hian Sepui rang lianpui mai hi hmar lam atangin a lokal a, a no pai chu Leng rama Leng Rihdil an tihah hian a nei a, a hnutchhiah ta a. A pui chu kal zelin Rih Dilah khian a innghat ta a, dil hmingthang tak a lo ni ta a, a fa a hrina a hnutchhiaha pawh chu dil lian ve takah changin Leng Rihdil an ti ve ta a ni. Hmanlai sai te an tam lai chuan sai ngho tha pui pui nei, hliam tuar leh thi tur te chuan he Leng Rihdil hi an pan thin a, an ngho tha tak tak te chu he Leng Rihdilah hian an tlan luhpui thin an ti. Saingho te hi tui chhungah chhe theilo ni se tam tak hmuh tur a awm awm e.
