BAWKTLANG HERITAGE SITES (MIZO VERSION)
Source: Serchhip District chhunga Pipu sulhnu leh hmun hmingthangte
Published by :Serchhip District Academy of Letters, 2009
Talhtum tlang:
Mizo thawnthu hmingthang ber Chhurbura che tlatna hi N. Vanlaiphai vel hi ni a sawi a ni a. Chhura hian N. Vanlaiphai leilet zawl zawng zawng hi a vaw zawl a, a tlang lehlam Lersia hmun hnuai hi vuak zawl leh a tum a, a vuak zawl hmain a talhtum chu a tliak ta hlauh mai a ni tih thawnthuah kan sawi thin. Talhtum tlangchhip hi chhura khan zau vak lo a vawzawl hman a, a talhtum vawnna lam chu helai zawlah hian lung, talhtum vawnna lam a tih bik chu a la awm a, a bung chu a per thui hle mai, Sailulak khaw ram Bethu hmunah a tla a, chu lung chu thangthar te hmuh theihin tun thlengin a la awm. Chhura talhtum awmna a nih avangin helai hmun hi talhtum tlang tih a ni.
