ICDS Deptt

INTERATED CHILD DEVELOPMENT SERVICES

 SOCIAL WELWAFE DETARTMENT

MIZORAM

E.LUNGDAR I.C.D.S PROJECT

 

            E.Lungdar ICDS Project hi Mizorama a ICDS Project hmasa ber niin  1978 khan din a lo ni a. Mizoram khaw tam takin an in chuh viau laiin E.Lungdarah hian nghah a lo ni ta a ni. Interated Child Development Services (ICDS) hi Indira Gandhi National Flagship programme hnuai ami ani a, Central Sawrkar ngaih pawimawh berte zing ami a ni, hei vang hian a chak hle a ni.

ICDS THIL THIL TUMTE

            1. NAUPANG KUM RUK (6yrs) HNUAILAM TE HRISELNA LEH EITUR TIH THAT

            2. NAUPANGTE RILRU TAKSA LAMA, HRISELTAKA AN THAN LEN NA NGAIHTAUAH

            3. NAUPANGTE CHAWTHA EI TAWK LOH AVANGA NATNA LEH NATNA HRIM  HRIM LAKA VEN LEH, SIKUL BANSAN TE TIH TLEM

            4. NU LEH A FATE THA TAK A HRISELNA DAN ZIRTIR THEI TUR LEH, CHAWTHA AWMZIA HRE TURA ZIRTIR

            5. NAUPANGTE HRISELNA TURA, DEPARTMENT HRANG HRANGTE PHEIKHAI RUAL TAK A THAWHHO DAN NGAIHTUAH

            ICDS hi India Hmeichhe Prime-minister awmchhun leh chak em em mai

 Pi.Indira Gandhi-i Seven FLAGSHIP Programme hnuaiah 2nd Oct 1975 khan India ramah hman tan a ni a, tunah hian khawvel huap pawh a mak dang lam tak leh khawvela naupang hnaui-hnung  zawk te enkawlna hna tha ber thawk tu atan UN pawn a puang hial a ni.

            Kan sawi tawh ang khan Mizoramah E.Lungdar hi a hmasa ber a ni a, hmasawna chi hrang hrang pawh hemi bial chhung a mi te hian kan hmu awm e.  E.Lungdar ICDS chanchin tlem a zawng han tarlang ila.

            ICDS ah hian CDPO hrang hrang an lo awm tawh thin a, a then te phei chu Mipui ngaihsan te pawh an lo ni thin. CDPO lo awm tawh te chu –

 

            THUAMKHUNGA (MCS)                                18/09/1979 – 01/04/1981

            R.VANNEIA (MCS)                                         13/07/1981 – 29/11/1981

            LALRARMAWII (SWD)                                 05/02/1982 – 13/05/1986

            LALNUNTHARI (SWD)                                 01/05/1998 – 12/05/1994

            VANLALNGHAKA ZOTE (SWD)                   12/05/1994 – 04/10/1995

            B.LALHMANGAIHI (SWD)                            30/10/1995 – 13/02/2007

            REMLIANI CHAWNGTHU  (SWD)               14/O2/2007 – 24/09/2009

            LALNUNTHARI (SWD)                                 13/11/2009 – till date

 

 

ICDS COMPLEX E.LUNGDAR

            LOCATION : E.Lungdar ICDS Complex awmna hi Khawvel Geographical Map ah   

Latitude 23*37’N, Longitude 92*35’E leh Altitude 754 Meters a sang a awm a ni.ICDS Complex hi khawchhung atangin a hla ang reng hle a, E.Lungdar Bazar kawn atanga High School Road, Damdawiin peng hnua a phei vang vang a, PHED Complex chung kawnga kal zar zarin, kan va pawh chauh a ni, tuna Tourist Lodge hnuai zawn vel ah hi a ni. Complex chhungah hian Office Building, Conference Hall(Jubilee Hall), Nutrition Godown leh Staff Quartes a awm a ni.

            OFFICE BUILDING : E.Lungdar ICDS Office Building puitling hi 1978 khan BADP sum a sak puitlin niin hawn a ni a,  office building hi Pi.Lalzarliani Hmar Jt.Director in a hawng a ni. Office building hi Semi-RCC a ni a, a skirting concrete, a bang tile, a chung rangva, a ceiling dap a ni. Office chhungah hian CDPO chamber, Computer room, Kitchen leh staff room a awm a ni. A upat deuh tawh avangin chei that tura hmalak mek a ni bawk.

        

            NUTRITION GODOWN : ICDS thiltum pawimawh berte zing ami chu naupang, hmeichhe tleirawl, raipuar leh nu nau pawm te chawtha pek a nih avangin, CHAWTHA chhek khawlna (NUTRITION GODOWN) tha tak neih hi a pawimawh em em a ni. Nutrition Godown hi pakhat a awm a, E.Lungdar ICDS hnuaia khaw hrang hrangah mihring kan lo pun belh zel avang leh pem lut kan lo tam telh telh avangin Anganwadi Centre thar din belh zel a lo ni a, India Sorkarin kum tin in chawtha supply a tihpun tak hnuah phei chuan kan Nutrition Godown hian min zo ta meuh lo a, heivang hian Conference Hall te hial Nutrition chhek-khawl nan hman a lo tul ta hial a ni.

            Kan Minister concerned te leh Directorate lama kan hotu lian zawk te lo kal apaiangin Office Staff leh kan khawtlang hruaitu ten Nutrition Godown sak that a tul zia  kan lo thlen fo rah chu hei kan hmu dawn ta a, tun kum 2014 khan kan Minister zahawm tak Pu.P.C.Lalthanliana chuan GODOWN sak thatna tur leh approach road chei na tur in Rs.26,000,000.00 (cheng Nuaih 26) min pe a, a lawmawm hle a ni.

            He GODOWN thar sak tur hi a chhawr tu ber tur te chu mipui te kan nih avangin, tupawh in he building hi lo sa se, tha taka sak a nih theih nan leh Godown tha tak kan neih theih nan, a sak laiin mipui te min vil puina (monitoring) hi a pawimawh em em dawn a ni.

CONFERENCE HALL (JUBILEE HALL) :

 

                ICDS Conference Hall(Jubilee Hall) hi Ministry of Tribal Affairs Fund dawn atanga sak a ni a, kum 2010-2011 khan sak zawh a ni. A chhungah hian meeting leh seminar vel a huaihuat tak tak a tlak loh avangin, Nutrition stock thin a ni. Kan Nutrition GODOWN in min dawl zo tawh lo bawk nen, tunah hian Nutrotion Stock nan tangkai tak a hman a ni.

STAFF QUARTERS : Office hi khawchhung atanga a hlat deuh avangin thawktu tam zawk te hi Office Complex a cheng lovin khaw chhung lamah in luahin kan khawsa tam zawk a, Staff Quarters hi pahnih (CDPO leh 4th Grade) a awm thin a, 4thGrade Quarters hi thiah niin CDPO quarters thawn that nan hman a ni a tun dinhmuh ah chuan Quarters pakhat complex chhungah hian a ding a, Quarters dang sak belh na tur hi Directorate ah dil belh a ni.

 

E.LUNGDAR ICDS STAFF        

            E.Lungdar ICDS Project hnuaia Staff dinhmun (2014) chu hetiang hi a ni :

Sl.No

Name

Designation

Qualification

Year of Posting

1.

Lalnunthari

CDPO

B.A

2009

2.

Hmangaisangzuala Hnamte

Circle Officer

M.A(pub.adm)

2011

3.

K.Lalbiakzuali

Circle Officer

B.A

2012

4.

Rodinpuii

Circle Officer

HSLC

2013

5.

Saingenga Sailo

I.S

B.A

2007

6.

Vanlalchhani

UDC

B.A

2007

7.

K.Lalnuntluangi

LDC

P.U

1990

8.

Vanlaltana

IV Grade

Cl-VIII

1978

9.

V.Lalzema

IV Grade

Cl-VIII

1983

10.

Lalthanzama

Driver

HSLC

1994

 

            Heng a chunga Office Staff kan tarlan te bakah hian Anganwadi Worker 60 leh Anganwadi Helper 60 te khaw 16 (Serchhip leh Champhai district) ah te an inzar pharh bawk a ni

 

INTEGRATED CHILD DEVELOPMENT SERVICES (ICDS)

HNATHAWH TE

            ICDS hian Cenral Sorkar Scheme/programme hrang hrang mipuite tana tangkai tak tak a thawk teuh mai a, awlsam zawk a hriat theih nan a mal mal in lo tarlang dawn ila –

 

1. ANGANWADI CENTRE : ICDS in hnathawh a tum te zinga a lian ber chu naupangte hriselna chawtha hmanga enkawl that hi a ni, hemi a nih avang hian naute chu a nu pum chhung a a awm lai atangin a nu kaltlangin chawtha in chawm tan tawh thin a ni.

            Anganwadi Centre te hi chawtha NUTRITION dawnna hmuh tur chauh emaw ti tam tak an awm, hei hi a dik lo hle a ni. Anganwadi Centre hi naupang kum ruk hnuai lam enkawlna hmun tur a Central Sorkarin a rawn duan a ni a, a bik takin naupang Kum 3 atanga Kum 6 tana Pre-School Education an dawnna hmun tur tangkai tak a ni bawk. Naupang ten School pui an kai hma a an thluak lo sawizawi na hmun pawimawh tak a ni tih hre rengin kum ruk an tlin hma chu Anganwadi Centre ah hian tal tam sela an tluak lo sawizawi nan a pawi mawh hle a ni.

Anganwadi Centre Pawimawhna te

1.Naupangte chawtha dawn na

2.Nu naupawm leh naupai te chawtha dawnna

3. Pre-School Education –

            a) Number/123 zir

            b) Alphabet/ABC zir

            c) Colour/rawng thliar hran

            d) Shape & size thilar hran

            e) Singing/zai

            f) Recitation

            g) Story Telling/thawnthu sawi

            h) Taksa sawizawi

            i) Nature work

 

4. Adolescent Girls te tana chawtha leh nu tha tak an nih chho theihna tura zirtirna pek na hmun pawimawh

5. Nute leh pi leh pu te tana nau awmna hmun nuam leh tha

          

2. INDIRA GANDHI NATIONAL OLD AGE PENSION SCHEME (IGNOAPS) : Hei hi Mizoten a TAR PENSION tia kan hriat lar hi a ni. He scheme hnuaiah hian kum lama upa tawh Kum (60) sawmruk chunglam BPL member te tanpui nana thla tin India sorkarin lawm man a rawn pek thin a ni. He hamthatna dawng tute hi thla tin Rs.250/- a hrut rual thin an ni a, amaherawhchu, kum 2012 atang khan kum 80(sawmriat) leh a chunglam te hi thla tinin Rs.550/- in an lawm man hi tihpun a ni.

            IGNOAP dawng thei turte hi an mahni khaw MUP ten rawn recommend in ICDS office ah rawn theh luh thin a ni a, heihi Office lamin Social Audit  hnuah hmunpui lamah an thawn thla leh a, hei hi Office pui lamin RANDOMISATION PROCESS in a dawng turte hi an lo thlang leh thin a ni. Hetianga kalpui a nih na chhan chu vawikhat ah pek kim vek thei a nih loh avangin a in tah tawl te te in Project hrang hrang ami te khawl hmanga thlan chhuah

a ngaih vang a ni. Tun din hmunah IGNOAP kum sawmriat leh a chung lam dawngtu mi 109 an awm a, tin, kum sawmriat hnuai lam (60-79 years) dawngtu mi 590 an awm bawk.

3. INDIRA GANDHI NATIONAL WIDOW PENSION SCHEME (IGNWPS) : He Scheme hi BPL chhungkua a eizawngtu, pa berin a boral san hmeithai te tanpui nana Central Sorkain a duan a ni. Thla tin pension hi mi pakhatah Rs.250/- a pek thin an ni. Tun din hmunah mi 23 in he Pension hi ICDS office atangin an la mek a ni.

4. INDIRA GANDHI NATIONAL DISABLE PENSION SCHEME (IGNDPS) : He Scheme hi Pianphunga rualbanlo(Disable) te tana Central Sorkarin tanpuina a rawn pek thin a ni. He Scheme dawng tute hi Person With Disabilities Act (PWD Act) hmanga  thlan thin an ni. Thla tin IGNDPS dawng tute hian Rs.250/- an la thin a ni. Tun din hmunah hian mi 18 ten ICDS office atangin IGNDPS hi an dawng a ni.

5. NATIONAL FAMILY BENEFIT SCHEME (NFBS) : He Scheme hi IGNWPS (Hmeithai Pension)  nen hian ngaih pawlh loh tur a ni. NFBS hi thla tin a pek nilo, vawi khat chauh tanpuina pek chhuah thin a ni. Chhungkua a eizawng tu ber a boral in a kalsan a nupui leh a fanaute eizawnna bul tan nana pawisa pek chhuah thin a ni. Mi zawng zawng tan nilo, eizawnna chum lutuk te chauh pek thin an ni. Anganwadi Worker te bulah an area a mi hetiang awm hi zawng chhuak tura tih thin an ni a, an khaw VCP leh YMA recommendation ten office a an rawn thehluh a hnuah, a dawng tur awm te chu Directorate lamah thawn thlak thin a ni, Directorate lamin District Bawrhsap hnehah a dawng thei tur awm ang list hi an rawn pek hnuin, Bawrhsap hovin Selection Committee ten a dawng tur hi an thlang chauh thin. NFBS hi chhungkaw khat tan Rs.20000/- pek thin a ni.

6. KISHORE SHAKTI YOJNA (ADOLESCENT GIRLS SCHEME) : KSY hi hmeichhe tleirawl kum 11 atanga kum 18 inkar te enkawlna tura Central Sokar Scheme a ni. Hmeichhe tleirawl te an rawn than len chhoh na kawnga mahni in vawn fain ate, nu nih huna nau enkawl dan leh an mahni hamthatna leh dikna India Danpui(Contitution of India) in a pek te zirtir thin an ni. Chawtha pawh Anganwadi Centre atangin an dawng thin bawk. Balika Mandal hi kum tin Centre 5 ah thlan thin a ni a chung Anganwadi a Balika Mandal Member a thlan (a bik in hmeichhe Tleirawl school kal tawh lo te) puanthui, la phiar, hriselna, etc.. ah training pek thin an ni. KSY hi hmeichhie tleirawl te dinhmun dawm kan nan a Central Sorkarin Scheme a rawn siam liau liau a ni. Tun din hmunah hian KSY hnuaiah Hmeichhe Tleirawl 1313 te E.Lungdar ICDS hian a enkawl mek a ni.

 

RECRUITMENT OF ANGANWADI WORKER

            Anganwadi Worker te hi Written(ziak) leh Interview hmanga lak thin an ni. Written exam a mark hmu sang (60% hmu chin) te  chu interview tura koh thin an ni a, written leh interview exam a mark hmu sang berte hi Anganwadi Worker atan lak thin an ni. ICDS examination board member te chu Block Level a kan Officer te an ni.

           

            Block Level ICDS Co-ordination Memberte –

1. Chairman - Block Development Officer (BDO), RD

2. Secretary – Child Development Project Officer (CDPO), ICDS

3. Sectoral Adviser – Medical Officer (MO), H&FW

4. Member – Sub-Divisional Officer (SDO), PHED

5. Member - Circle Officer (CO), ICDS

 

                                                                                               

 

© East Lungdar RD Block Govt of Mizoram

This website belongs to the East Lungdar RD Block, Government of Mizoram, India. | Template by ICT

Click to start chatting.